من صلى من صلصيل لهب النار , وقرون الأعداء لو صمل ننصلها

وابصر القنصل نصل , عاف المواصل , والفرنساوي عاف الذهب

كلها السكات بالمسكات , ماسكنا امير السعودي

طلبت الله وهو الهادي يهدينا لدروب القادي

ماعن درب الله مشرادي وهو السنة والمسنادي


ليلة امسي بين الحادي وفارق ربعي واولادي

عسى موت سنة وحسن العمالي


من هم الدين والدياني عيى نومي لا يهناناي

ون راح اليوم بكرة جاني يقول لي خلص يابوراني

عسى الله يخف الحمول الثقالي


وقلت اصبر يابن ردة بعد الواحد ربي حده

بعد جيت بين الرشا والمحالي

***

خطير الله يرد النا ونعود مع قبايلنا

والكل منهم مايكرهنا يقع حساد مايقبلنا

قصيدة قم يامسو الكيف للشاعر عوده الثبيتي

قم يا مسو الكيف قم سو قم سو
قم سو فنجال ترى الراس خاوي
واحذر عليه النو ولا حق ضو
واليا ندى فيه العرق لا تراوي
في محمس طوله شبر يوم قاسو
وامحولينه عجل في نجر ماوي
حسه ينشط ربعه يوم ضالو
يعوي عوا خل وخله جفاوي

بسم الله الرحمن الرحيم

هذه قصيده للشاعر عوده الشرطي الثبيتي رحمه الله في حرب الحليق بين قبيله الثبته وقبيله اخرى مجاوره لها يقول...........


يالله اليوم يالي ترتجيك العبادي
ياكريم الرجا الي مالنا غير جوده
سدنا في بلدنا عن خباث المرادي
كل ماجيت مع وادي تضابح قروده
كل واحد يقول البير لي والبلادي
ماهل ماعرفنا صادره من وروده
هاضني يوم سيرنا ونادى المنادي
فوق رايه عقيد ماتراخى زنوده
واعتدينا ونور الصبح مابعد قادي
ثم اخذنا حلال ماتحاصى عدوده
يوم جونا رجال جعيد مثل الجرادي
مثل سرح الجراد الي يقوده عموده
والتحم سدها بين الوجيه البوادي
في نهار عسى رب الملا مايعوده
وانتشر من قضين اليا حليق البوادي
مثل نو(ن) تهلع والبرد في حدوده
ذوقو الفعل من ربع تضد الاعادي
والثبيتي مضرى بالفعل من جدوده
منزلي بالقصور مربعات الحدادي
من غدى صايبه من سدها وازهوده
عزوتي عقبو للطير والذيب زادي
مفرس زل راس الحول وهيه تروده

بسم الله الرحمن الرحيم


اليوم آطا الشوك ماكني آطاه
وامشي وانا كن السحايب دموعي
من بعد لامى بالثمان المجلاه
اللي نهب قلبي من اقصى ضلوعي
واعيني اللي نـــومها ماتهناه
من يوم شافت عشقها طـار شوعي
يامن كماالمحمل والالباس تزهاه
واليا مشى صـكت عليه الـجموعي
وان نزلوا خوف القواويس تحماه
ولا هو بصـيد الـلي قلـيل البتـوعي
والله لالا الـخوف من رب يدراه
لـــــــنوع له مثل البعير النزوعي
اللي ليا شاف البوادي ومرعاه
ينشـــــطه لوكان قـــبله قـــنوعي

هذه مقتطفات من قصيده للشاعر عوده الشرطي الثبيتي رحمه الله

علماً ان هذا المجالسي اكثر من اربعين بيت وقد حذفت منها ابيات .

ويلاحظ فيها قوة الابيات والمتانه وجزالة الالفاظ وسلاستها حتى لمن لايعرف الشعر


عندما اقرأ كلام الشاعر الراحل عودة الشرطي الثبيتي رحمه الله ومجلسه الشهير الذي يمتد الى اكثر من اربعين بيتا ً في حرب الثبته مع احد القبائل المجاورة , ينتابني شعور ممزوج بالخوف واليأس على مستقبل الشعر في القبيلة خاصة وفي الشعر عامة واكاد اجزم ان شاعرنا عودة الشرطي وشعراء جيله كانوا يمثلون القمة وكل من اتى بعدهم لم يصل الى هذا المستوى الرفيع من القوة والمتانه في الابيات والتي لا اتشبه الا اصحابها
المهم انني حصلت على مجلس عودة الشرطي وكنت قد بحثت عنه في الانترنت وفي محركات البحث ولم اجده على الاطلاق

فرحم الله شعراء ذلك الجيل الذي لن يتكرر . واليكم مطلعها :



الا يالله يامنشـي السحـوب ------ ولا يامطلـع مافـي الغيـوب


تيسر طرقتي من حيث اصوب------ وما يكتب على المخلوق جاري


عسى مكتوب خير وعلم زين------ ليـا ضليـت بيـن الجالتيـن


تروح الروح بين محاسبيـن ------ وخطوا ماحصل في لوح قاري





ثم يأتي الشاعر لأوصاف الرجال واصنافهم :





وانا باحرف كلامـي فالرجـال ------ واباخذ فـي معانيهـم مجـال


واصرف هرج تصريف الريال ------ من اهجوس تهيضها الضماري


وبيبان الرجـال الهـا عـدود ------ وفيهم بيت عرف وبيت جـود


وفيهم بيـت ضفـران فهـود ------ توردهـا ولا تصـدر معـاري


وفيهـم هابيـا مافيـه نـاع ------ و مالـه لا مـحـل ولا ذراع


وبيت المسبعـة يخـر سبـاع ------ وبيت الحبر يخرلـه حبـاري

الى ان يقول في منتصف القصيدة ويبدأ في طرق الموضوع الرئيسي والمناسبة التي ظهرت بها القصيدة بعد المقدمة السابقة وقد اسقطت منها ابيات للضرورة







لكن الحـظ معهـم منكفـي ------ وطـلاب الخطـا مايشتفـي
وانا في هيبـة الله مكتفـي ------ وفي هيبة رجـال ماتـداري
بني عمي محاريب العـداء ------ تغلـق كـل سـدة بالقـدا
وبدوهـم عتابـة بالـرداء ------ وحدوهم على شيل الخساري
بغوا يغزون من يم الخبـوت ------ من الديرة يجلـون الثبـوت
وكل اعلامهم راحت فلـوت ------ وردتهم كثيـرات الطـواري





ثم يقول بعد ذالك في تناول الخصم بكل احتراف وقوة في بنيان البيت



وجونا صبح بارقهـم يعـوم ------ وقالـوا ماتعـدا بالـلـزوم
وعدينا على كسر الخشـوم ------ الين اجموعهم راحت كساري
وانا ماسبهـم يـوم اللقـاء ------ هل الماقف رياجيل الشقـاء
ولوجونا مع ادروب القـداء ------ ماكان اوجيههم فيها مواري





الى ان يقول رحمه الله تعالى عندما يشرح سبب هذه الحادثه ويذكر تفاصيلها كاملة ويجمع القبيلة تحت لواء واحد عندما يقول من اللصة اليا الاد الصراري


وكانه يكتب للتاريخ قصة معركة حفظتها هذه القصيدة


وقد صدق القدماء عندما قالوا ان الشعر ديوان العرب



نهار اشطيف لزموه الخبـول ------ وحنوبـه معاليـق الخثـول
عسى بيـت بلوابـه يـزول ------ هدوم البوق مافيها مـذاري
ذبح بعد المفرس والصبـوح ------ وسمن من عدايلهم سفـوح
ولا ياللي تحبـون المـدوح ------ هذا في صب والا علم عاري
يقول اعنيبر الشيخ العريـب ------ نبـا نعبـاه فـدوه للقليـب
نسى ربعي مخابيط الحريـب ------ من اللصة ليا والاد الصراري





وقبل ختام القصيدة يذكر رحمه الله تعالى امجاد قبيلته الثبته ويعتزي بعد انتصارهم

في احدى الوقعات مع احدى القبائل .






وانا من لابتي سمـوا ثبيـت ------ تمجدنـي ليـا منـي بغيـت


ولا ياجاهـل ابهـم مادريـت ------ توح العلم من شاعر قـراري


وليتك خلتهم يـوم الصبـاح ------ طلوع الفجر يوم النور ضاح


مفيض الريع في الحزم البراح ------ ودمان العـدى منـا نثـاري





وسلامتكم


اخواني

اعتقد اننا لو وضعنا هذه الأبيات بما فيها من حكمه وشجاعه في كفه

والقصائد التي تطرح اليوم في كفه .
.
.

.
.
.

لرجحت بها قصيدة عوده الشرطي بدون شك


---------------------------------------------------------


الموضوع لقيته بمنتديات أخرى .. ونقلته هنا ,, والله يعطي اللي كتبه العافية

بسم الله الرحمن الرحــــــــــــــــيم
هذه قصيده للشاعر عوده الشرطي الثبيتي رحمه الله عليه عندما ناوله احد اخوياه فنجال القهوه
وقال له ســـــــــــــــــم /
قال:
سلمت يمينك يامسويلي الكيف
وانا ليا ماخذت كيف كفــــــــاني
وانا مضرالي بشغـــــل وتكليف
اربع من الكيف الحلو عن ثماني
شفي ليا ضلا النجر له غطاريــف
في ربعه ينشط لها كـــــل واني
بالصبح ولا مع عصار التراهيف
في محضر لهل الفكــر والمعاني
ما حافها خطو الرخوم العضاليف
الا يقــــــع ضفرن بشغله شفاني
والدله الطبخا وماها بتشفيــــف
تشفيف هين يغدي اللون حـــاني
خاني دلال من عيون مراديـــف
رديف ريش مجليات الثـــــــــماني
وانته لبيب وعارفن واجب الضيف
صحنن رزين ومن خيار السمــاني

بسم الله الرحمن الرحيـــــــــــــــــــــم

هذه قصيده اخرى اضيفها لما سبق من قصائد الراحل عوده الشرطي حمه الله يقول...

يقوله الي بدى في راس مضياح
في قرنه ماحدت مكه يمينا
واخيل عذب اللما بالهرج مزاح
على البهايق وحنا واردينا
ابو خزام عباله في منه داح
واليا تبسم يضليله دنينا
والله لالا حكايا كل دماح
لاغدي دريويش وبل المستحينا
واقول ياهل العطايا مرزقي باح
وارجى العطايا تجي في كل حينا
واقيم في حله اهله سبعه اصباح
واعاينه لين غراته تبينا
واسري بسيدي ليا من القمر طاح
وازبنه من ورا الطايف يمينا
سمي سيدي نهار الحرب ذباح
مايافر القوم ضاري بالفتينا
بيحت باسمه وهو فالصدر ماباح
وابين من الشمس للقلب الفطينا

بســـــــــــم الله الرحمن الرحيم

هذه قصيده للشاعر عوده الشرطي الثبيتي في مدح الاد ثابت

يقول.......

يانديبي فوق حر مايبا الراكب يسوقه
من ركاب اهل الحسا مدري ركاب اهل الشمالي
يوم يبديلك قمر عشرين مع طلعه شفوقه
وانت سارح من طرف شوقب بعد قهوه وفــــالي
واطها درب الفراع وزل مـــاها لاتذوقه
لين ماتشرب يقع من مــــــا علي جــــــم زلالي
ثم خصه عزوتي كم وادي ترعى شفوقه
مركز الطــــــالات والعلم الجميل اول وتــــــالي
نزلهم تلقاه من قاعه قضين اليا وسوقه
ينطــــــحونك بالفـــــراش وبالصفــــاط وبالدلالي
والسمين الي صحنها كن ثوب الشاش فوقه
ما توانو في وجوب الضيف يوم الســــعر غا لي
كم صبي فا اللقى حنا تسابيبه وعـــــوقه
نفتله فــتل الحــديــد وننقضه نقض الحبالــــي
ودي اوصيك ياعواض بالهرج ونطوقه
تنقده نـــقد الذهــــــب قدام تنقدك الرجـــــــالي
المره لا تطلع في سدك الخـــافي تبوقه
ما عليها منك وهي اعن الفضيحه ما تسالي
لعنبوا من يامن الانثى نضرها من عشوقه
صبح تمرح لك صبى الليل تمــرح لك عوالي